“Falcon Finance” ASAN FİNANS sisteminə qoşuldu.

11.12.2019-cu il tarixdən etibarən  “Falcon Finance”  müştərilərinə yüksək keyfiyyətli və operativ xidmət göstərmək məqsədilə ASAN FİNANS sisteminə qoşulmuşdur. İndi müştərilər daha rahat şəkildə və vaxtlarına qənaət etməklə iş yerindən arayış gətirmədən kredit əldə edə bilərlər. Belə ki, kredit xidmətlərimizdən istifadə etmək istəyən müştərilər müxtəlif dövlət və qeyri-hökumət qurumlarından toplamalı olduqları arayışları və sənədləri (iş yerindən arayış, şəxsiyyət vəsiqəsi, başqa rəsmi sənədlərin sürətlərini, ailə üzvlərinə dair sənədləri, əmlakla bağlı sənədləri və s.) ofisimizdə özlərinin razılığı (icazəsi) ilə “ASAN Finans” sistemi vasitəsilə elektron formada əldə etmək mümkündür.